गजल

सुजन बैरागी

दुनियाले देखे जस्तो छैन जिन्दगी
तिमीले गजल लेखे जस्तो छैन जिन्दगी

जीवन भित्र संघर्ष संघर्षमा बाधा
आख्यानमा समेटे जस्तो छैन जिन्दगी

बाधा सँगै ब्यथा अनि ब्यथा भित्र क्रन्दन
बगैचामा भेटे जस्तो छैन जिन्दगी

हाँसो खुसी दुःख पीडा सिसाले लेखेर
इलेजरले मेटे जस्तो छैन जिन्दगी

देख्ने सुन्ने दुनियाले प्रष्टै बुझ्न सक्ने
सारङ्गीमा रेटे जस्तो छैन जिन्दगी

मुक्तक

आज मेहन्दी चुरा र सिंदुरले रङ्गेको दिन हो
बाध्यतामा मेरी उनी अन्मेको दिन हो
तर पनि म धेरै खुसि छु सोध त किन
किनकी आज म जन्मेको दिन हो

मेरो साथमा मलामी

सुजन बैरागी

मेरो साथमा मलामी छन तिम्रो साथमा जन्ति आज
मेरो भागमा शंखध्वनी तिम्रो भागमा पञ्चेवाजा

आफ्नो आफ्नो भागमा जे छ त्यही न हो पाउने नी
सोधेरै त कहाँ आउदो रै छ र लिन आउने नी
तिमीलाई लिन आउँनेले खुसी लिई आयो आज
मलाई दियो शंखध्वनी तिमीलाई पञ्चेवाजा

लिइजानेहरु पनि फरक फरक हुँदा रैछन
कोहीले खुसी मनभरी कोहीले दुःख दिदाँ रैछन
मैले धर्ती छाडेकै दिन तिमीले घर जोड्यौ आज
मेरो भागमा शंखध्वनी तिम्रो भागमा पञ्चेवाजा