गुरुवार, 22 जनवरी 2015

संबिधान

– सुजन बैरागी
संबिधान बनाउने भनि भत्ता खायौ
विभिन्न सरकारी सेवा सुबिधा पायौ
गर्दैछु भन्थ्यौ के ग¥यौ आखिरमा
नेपालीलाई संविधान विहिन बनायौ

नेपालीलाई बुङ्गो बनाई जान किन दिने ?
सरकारी सम्पत्ति त्यसै लान किन दिन ?
संविधान नबनाए तलब भत्ता फिर्ता गर्नुपर्छ
कामै नगर्नेलाई सितै खान किन दिने ?

नैतिकता सिकाउनेहरु नैतिकता तोड्दैछन्
संरक्षण गर्नु पर्ने कुहराहरु आफै फोड्दैछन्
यस्ताले बनाएको संविधान कस्तो होला ?
जो विस्तारै विस्तारै मानवीय गुण छोड्दैछन्

बन्द गरेर खै के मिलायौ ?
केबल जनतालाई दुःख दिलायौ
हिज आयौ के के न गर्छु भन्थ्यौ
आज एकाएक आफै बिलायौ

खेलाडीहरु देशको सम्मान जुटाउँदैछन्
नेताहरु सदन भित्रै फर्निेचर फुटाउँदैछन्
संविधान लेख भनि जनताले चुनेर पठाएकाहरु
कलम छाडि कोही हात कोही कुर्ची उठाउँदैछन्

गुरुवार, 15 जनवरी 2015

मुक्तक


एउटै घरमा बस्ने बीच नि चिनजान हुन्न शहरमा
धन सम्पत्ति भन्दा ठूलो इमान हुन्न शहरमा
चापलुसी र घुसखोरी जस्ले जान्यो उही महान
क्षमता र विज्ञताको सम्मान हुन्न शहरमा

सुजन बैरागी